عثمان بزدار کو نوٹس جاری کرنے پر لاہور ہائیکورٹ نے اینٹی کرپشن سے جواب طلب کر لیا

لاہور (خبر نگار) لاہور ہائیکورٹ کے جسٹس طارق سلیم شیخ نے سابق وزیر اعلیٰ عثمان بزدار کی طلبی نوٹسوں کیخلاف درخواست پر محکمہ اینٹی کرپشن  سے 27 مارچ کو جواب طلب کرلیا۔ درخواست میں ڈی جی اینٹی کرپشن سمیت دیگر کو فریق بنایا گیا ہے۔ درخواست میں مؤقف اختیار کیا گیا ہے کہ اینٹی کرپشن حکام نے کیس کی تفصیلات فراہم کئے بغیر طلبی نوٹس جاری کئے۔ استدعا ہے کہ عدالت طلبی نوٹس کالعدم قرار دے اور گرفتاری سے روکنے کا حکم دے۔