نادیہ کہف امریکہ کی پہلی باحجاب مسلمان خاتون جج بن گئیں 

نیویارک (نوائے وقت رپورٹ) نیوجرسی کی سپریم کورٹ میں تعینات امریکی ٹارنی نادیہ کہف پہلی باحجاب مسلمان خاتون جج بن گئیں۔ غیر ملکی میڈیا کے مطابق نادیہ کہف نے قرآن پر ہاتھ رکھ کر عہدے کا حلف لیا۔ اس موقع پر تقریب سے خطاب کرتے ہوئے نادیہ کہف نے کہا کہ انہیں مسلمان اور عرب کمیونٹیز کی نمائندگی پر فخر ہے۔ انہوں نے کہا کہ وہ چاہتی ہیں کہ لوگ بغیر کسی خوف کے اپنے مذہب پر عمل کر سکیں۔ رپورٹس کے مطابق نادیہ کہف اساک کائونٹی میں خدمات انجام دیں گی۔