لاہور(سپورٹس رپورٹر) غنی انسٹی ٹیوٹ آف کرکٹ لاہور ڈی ایچ اے نے رمضان کرکٹ ٹورنامنٹ کرانے کااعلان کردیا ہے ۔ قومی ٹیم کے کپتان بابر اعظم سمیت دیگر کھلاڑی بھی شریک ہونگے ۔ ڈائریکٹر سابق کرکٹر سلمان بٹ نے کہا کہ ایونٹ میں 8ٹیمیں شرکت کریں گی ۔ ہر ٹیم میں دو انٹر نیشنل کھلاڑی شامل ہونگے ۔ ہرمیچ کے بہترین کھلاڑی کو تیس ہزار روپے انعام دیا جائیگا۔ ٹورنامنٹ کی انعامی رقم 52لاکھ روپے رکھی گئی ہے ۔ فاتح ٹیم کو 25لاکھ روپے ملیں گے ۔ سٹار کھلاڑیوںمیں بابر اعظم ‘شاداب خان ‘اعظم خان ‘احسان اللہ ‘اسامہ میر ‘عمر اکمل ‘احسان علی ‘عابدعلی شریک ہونگے ۔ ٹورنامنٹ میں انٹر نیشنل معیار کی فلڈ لائٹس استعمال کی جائیں گی۔