راولپنڈی (سٹاف رپورٹر) سی ای اوراولپنڈی ویسٹ مینجمنٹ کمپنی رانا ساجد صفدر کی زیر نگرانی ماہ رمضان کے دوران خصوصی صفائی آپریشن اور آگاہی مہم کا آغازکر دیا گیا ہے، اس سلسلے میں آر ڈبلیو ایم سی کے ورکرز شہر کے مختلف علاقوں کی صفائی میں مصروف ہیں، سی ای او آر ڈبلیو ایم سی رانا ساجد صفدر نے فیلڈ سٹاف کو ہدایت دی کہ رمضان کے دوران شہر میں صفائی کےلئے فیلڈ سٹاف متحرک رہے، مساجد کے اطراف نماز اور تراویح کے اوقات میں صفائی یقینی بنائی جائے تاکہ شہریوں کو عبادت کے دوران کسی قسم کی مشکلات کا سامنا نہ کرنا پڑے، جہاں سے بھی کوڑا کرکٹ اٹھایا جائے وہاں فوری طور پر چو نے کا چھڑکاﺅ کیاجائے،روزانہ کی بنیاد پر کوڑاکرکٹ لینڈ فل سائیٹ منتقل کیا جائے، شہر کی صفائی پر کوئی سمجھوتہ نہیں ہو گا،شہر کو زیرویسٹ بنانا میری اولین ترجیح ہے.
، صفائی کے کام کو مزید بہتر کرنے ا ور مانیٹرنگ کا نظام سخت کیا جائے، ڈیوٹی اوقات میں کسی قسم کی کوتاہی برداشت نہیں کی جائے گی۔