اسلام آباد ( نوائے وقت رپورٹ)  ٹی بی کا عالمی دن سالانہ تقریب 1882 کی یاد میں منائی جاتی ہے جب تپ دق کا سبب بننے والا بیسیلس دریافت ہوا تھا۔دوپاسی فاؤنڈیشن نے پاکستانی ہم منصبوں اور بین الاقوامی شراکت داروں جیسے کہ ورلڈ ہیلتھ آرگنائزیشن اور اسٹاپ ٹی بی پارٹنرشپ کے تعاون سے ہفتے بھر کی یکے بعد دیگرے سرگرمیاں تسلسل کیساتھ انجام دیں۔ تقریبات  وہاڑی اور خانیوال  خیبر میڈیکل یونیورسٹی (پشاور)، فیڈرل گورنمنٹ ٹی بی کے مرکز (راولپنڈی)ڈسٹرکٹ ہیلتھ اتھارٹی راولپنڈی اور شیخ زید میڈیکل یونیورسٹی میں سیمینار اور واک، بلوچستان کے دشوار گزار علاقوں میں میڈیکل کیمپ، ، کامن مینجمنٹ یونٹ (اسلام آباد) اور ڈائریکٹوریٹ جنرل ہیلتھ سروسز (لاہور)  میں واک ، پاکستان ٹیلی ویڑن نیٹ ورک پر مارننگ شو میں میڈیا کی لائیو وکالت جس میں مرکزی دھارے کے اخبارات میں شائع ہونے والے مضامین شامل ہیں۔ سرگرمیوں کا اختتام دوپاسی فاؤنڈیشن کے زیر اہتمام ایک روشن تقریب کے ساتھ ہوا جس میں اسلام آباد میں ایوان صدر کو ٹی بی کے عالمی دن کی منا سبت سے سرخ رنگ میں روشن کیا گیا۔