رمضان المبارک برکتیں حاصل کرنے والا مہینہ ہے:پیر نصیر احمد قادری 

فیروزوالہ( نامہ نگار) ممتاز عالم دین علامہ الحاج پیر نصیر احمد قادری نے کہا کہ رمضان المبارک برکتیں حاصل کرنے والا مہینہ ہے۔ رمضان المبارک برکتوں اور گناہوں کی معافی کا مہینہ ہے۔ اس بابرکت مہینے میں اللہ تعالی کی نعمتوں کا نزول اس قدر ہوتا ہے کہ ہر نیکی کے بدلے 70 گنا اجر دیا جاتا ہے۔ ان خیالات کا اظہار انہوں نے جامع مرکزی مسجد لبیک یا رسول اللہ کامران پارک شاہدرہ میں رمضان المبارک کے پہلے جمعہ مبارک کے موقع پر بڑے اجتماع سے خطاب کرتے ہوئے کیا۔انہوں نے کہا تاجروں اور دکانداروں کو چاہیے کہ وہ جائز منافع اور رزق حلال کمانے کا عزم کر کے رمضان المبارک کا احترام کریں ۔