ڈی پی او شیخوپورہ کامساجد، امام بارگاہوں کا دورہ‘ سکیورٹی انتظامات کاجائزہ

شیخوپورہ (نمائندہ نوائے وقت) ڈی پی او زاہد نواز مروت نے مساجد، امام بارگاہوں کا دورہ کیا رمضان المبارک کے پہلے جمعتہ المبارک کے حوالہ سے سکیورٹی انتظامات کو چیک کیا گیا اور ڈیوٹی پر موجود افسروں و ملازمین کو ڈیوٹی کی حساسیت کے بارے میں ہدایات دیتے ہوئے کہا کہ مساجد و امام بارگاہوں اور بیت الذکر پر آنیوالے ہر شخص کی باڈی سرچ کو بذریعہ میٹل ڈیٹکٹر یقینی بنایا جائے گا۔ حساس مقامات کے داخلی راستوں پر واک تھرو گیٹ لگائے جائیں گے۔ شر پسند عناصر پر کڑی نظر رکھی جائے گی۔ پارکنگ کے انتظامات عباد ت گاہوں سے 500 گز دور کے فاصلہ پر ہونگے۔ ڈیوٹی پر موجود تمام افسر و ملازمین الرٹ ہوکر ڈیوٹی سرانجام دیں گے۔