برائلر گوشت ایک دن میں 32روپے کلو مہنگا : سبزیاں من مانی قیمت پر فروخت

لاہور (کامرس رپورٹر ) صوبائی دارالحکومت کے بیشتر علاقوں میں 13ویں روزے کو بھی کھلے عام سبزیوں اور پھلوں کی گراں فروشی جاری رہی۔ صارفین نے رابطہ کر کے بتایا کہ سرکاری نرخنامے کے مطابق سبزیوں میں ایک کلو آلو کچا چھلکا نیا درجہ اول کی زیادہ سرکاری قیمت 53روپے کلو مقرر تھی جبکہ دکانداروں نے 70 سے 75روپے تک فروخت کئے ،آلو کچا چھلکا نیا درجہ دوم 48روپے کی بجائے60روپے، پیاز تاجکستان 140کی بجائے 170، پیاز درجہ اول 180روپے کی بجائے250سے260،پیاز درجہ دوم 160کی بجائے190 سے200،ٹماٹر درجہ اول115کی بجائے190روپے، ٹماٹر درجہ دوم105کی بجائے130روپے، لہسن دیسی 285روپے کی بجائے370،لہسن ہرنائی345کی بجائے390سے400،لہسن چائنہ595روپے کی بجائے650 سے670،ادرک تھائی لینڈ515روپے کی بجائے690 سے 700، ادرک چائنہ515کی بجائے700،کھیرا فارمی43روپے کی بجائے80سے 90،میتھی43کی بجائے 60سے 65روپے،بینگن70 کی بجائے90، بند گوبھی 85کی بجائے100، پھول گوبھی100کی بجائے130،شملہ مرچ260کی بجائے380سے400،شلجم 25روپے کی بجائے40  سے 50روپے، مٹر60 کی بجائے90 سے 95، کچنار 230 کی بجائے300، سبز مرچ درجہ اول200کی بجائے380، لیموں چائنہ105 کی بجائے250، لیموں دیسی230کی بجائے 270سے280، مونگرے90کی بجائے130،مولی13کی بجائے35سے 40روپے،پالک فارمی30روپے کی بجائے45روپے،گاجر چائنہ75کی بجائے100روپے، گاجر دیسی42کی بجائے60روپے کلو تک فروخت کی گئی۔ پھلوں میں ایک کلو سیب گاچہ درجہ اول220کی بجائے260،سیب کالا کولو پہاڑی درجہ اول325کی بجائے380 سے400،سیب سفید درجہ اول180روپے کی بجائے240روپے،کیلا درجہ اول درجن 190کی بجائے250، کیلا درجہ دوم درجن140 کی بجائے170، امرود درجہ اول230کی بجائے280، انار قندھاری340 کی بجائے550، مسمی درجہ اول درجن125کی بجائے190،کینو درجہ اول درجن330کی بجائے380روپے،کینو درجہ دوم درجن180کی بجائے 250، خربوزہ درجہ اول 190کی بجائے240روپے، خربوزہ درجہ دوم105کی بجائے150روپے، سٹرابری درجہ اول 290کی بجائے380سے400، سٹرابری درجہ دوم150کی بجائے 230سے 240 روپے اور کھجور ایرانی 500 روپے کی بجائے650روپے فی کلو فروخت کی گئی۔ برائلر مرغی کے گوشت کی قیمت میں ایک ہی روز میں 32روپے کا بڑا اضافہ کر دیا گیا جس سے اس کی قیمت 612روپے فی کلو تک پہنچ گئی۔ زندہ برائلر مرغی کی قیمت22روپے اضافے سے 422روپے فی کلو جبکہ فارمی انڈوں کی قیمت273روپے فی درجن پر مستحکم رہی۔