فیروز والہ( نامہ نگار) ڈکیتی راہزنی اور چوری کی متعدد وارداتوں کے دوران ڈاکووں نے شہریوں کو لاکھوں روپے مالیت کے زیورات نقدی دیگر قیمتی سامان اور گاڑیوں سے محروم کر دیا ۔مزاحمت پر ڈاکووں نے دو افراد کو زخمی کر دیا۔ تھانہ فیکٹری ایریا کے علاقہ حسین بلاک میں 2لیڈیز ڈاکو علی رضا کے گھر میں گھس کر خواتین سے تقریبا ایک لاکھ روپے کی نقدی ،طلائی بالیاں دیگر قیمتی سامان لوٹ کر فرار ہو گئیں۔  چوروں نے اعجاز کی دکان تالے توڑ کر 10 لاکھ روپے جبکہ محمد ادریس کی دکان کے تالے توڑ کر 1لاکھ50ہزار روپے نقدی اور اور دیگر سامان چوری کر کے لے گئے۔ ڈاکو جاوید نگر کے قریب موٹر سائیکل سوار دو دوستوںسے 60 ہزار روپے نقدی اور دو موبائل چھین کر لے گئے ۔چوروں نے ٹیلر ماسٹر کی دکان کے تالے توڑ کر چار لاکھ روپے مالیت کے شہریوں کے عید کے کپڑے چوری کر کے لے گئے۔ شرقپور روڈ پر ڈاکو میاں بیوی سے نقدی اور زیورات چھین کر لے گئے۔ مزاحمت پر ڈاکووں نے انہیں نشانہ بنایا ۔نامعلوم چوروں نے مختلف علاقوں سے چار موٹر سائیکلیں ایک کار چوری کر لی۔