بھارت میں ہولی: مسلمان خاندان کو زبردستی روک کر رنگ پھینکا گیا 

بجنور (نوائے وقت رپورٹ) بھارتی ریاست اتر پردیش میں ہولی کے تہوار  پر مسلمان خاندان پر زبردستی رنگ پھینک دیا گیا۔  مسلمان خاندان پر زبردستی رنگ اور پانی پھینکے جانے کا واقعہ بھارتی ریاست اتر پردیش کے ضلع بجنور میں پیش آیا جہاں ہولی مناتے کچھ ہندو نوجوانوں نے موٹر سائیکل سوار مسلمان  خاندان کو روک کر ان پر  زبردستی رنگ اور  پانی پھینک کر ہراساں کیا۔ سوشل میڈیا  پر  وائرل ویڈیو میں دیکھا جاسکتا ہے کہ ہولی مناتے کچھ نوجوانوں نے موٹرسائیکل سوار مسلمان خاندان کو روک رکھا ہے اور ان پر زبردستی رنگ اور پانی پھینکا جارہا ہے، جبکہ ساتھ ہی جے شری رام کے نعرے بھی لگائے جارہے ہیں۔