موبائل پولیس خدمت مرکز پہلی شفٹ آج شاد باغ فرائض سر انجام دیگا

لاہور(نامہ نگار)ڈی آئی جی آپریشنز لاہورسید علی ناصر رضوی نے کہا ہے کہ شہریوں کی جان ومال کی حفاظت کیساتھ ساتھ سہولیات کی فراہمی یقینی بنائی جارہی ہے۔پولیس خدمت مراکز کے ذریعے ایک ہی چھت تلے 15 مختلف سہولیات فراہم کی جارہی ہیں۔رواں ہفتے کے دوران موبائل پولیس خدمت مرکز پہلی شفٹ آج بروز پیر شاد باغ،منگل کو سراج پارک،بدھ کو گڑھی شاہو،جمعرات کو ان سائیڈ قربان لائنز، جمعہ کوہال روڈ جبکہ ہفتہ کوکوٹ خواجہ سعید موجود ہوگا۔دوسری شفٹ آج سبزی منڈی، منگل کو شاہدرہ چوک،بدھ کومغلپورہ،جمعرات کو دھرمپورہ پل،جمعہ کولکشمی چوک جبکہ بروز ہفتہ چائینہ سکیم اپنے فرائض انجام دیگا۔