قومی کرکٹرز کی نعت رسول مقبول پڑھنے کی ویڈیو نے دل جیت لیے

لاہور(سپورٹس رپورٹر)قومی کرکٹرز کی مدینہ منورہ جاتے وقت نعت رسول مقبول پڑھنے کی ویڈیو نے دل  جیت لیے۔ کرکٹرز میں سابق کپتان بابر اعظم، امام الحق، نسیم شاہ اور افتخار احمد شامل ہیں۔ ویڈیو میں دیکھا جاسکتا ہے بس میں سوار کرکٹرز مدینہ کی جانب جا رہے ہیں اور اس دوران کرکٹرز نے آخری نبیؐسے محبت کا اظہار کرتے ہوئے نعتیہ کلام پیش کیا ہے۔ ویڈیو میں کرکٹر افتخار احمد، نسیم شاہ، امام الحق اور بابر اعظم کو نعت ’’جس نے لا کر کلام الہی دیا وہ محمد مدینے میں موجود ہے’’ پڑھتے دیکھا جا سکتا ہے۔