ماہ صیام نیکیاں کمانے اور تقویٰ حاصل کرنے کا موسم ہے:طاہر مجید

شیخوپورہ (نمائندہ خصوصی) مرکزی انجمن تاجران کی سپریم کونسل کے چیئر مین چوہدری طاہر مجید نے تاجروں کے اجلاس سے خطاب کرتے ہوئے کہارمضان المبارک نیکیاں کمانے اور تقویٰ حاصل کرنے کا موسم ہے۔ رمضان المبارک میں مستحقین تک امداد کی فراہمی کیلئے مخیر طبقہ آگے بڑھے۔ رمضان المبارک خوداحتسابی کا درس دیتاہے ۔ ضلع بھر کے تاجر رمضان المبارک میں خودساختہ مہنگائی کی بجائے اشیاء خورونوش کی قیمتوں میں 10فیصد کمی رضاکارانہ طور پر کریں تاکہ وہ اللہ تعالیٰ کی رحمت کو سمیٹ سکیں۔ رمضان المبارک کا احترام ہم سب پر لازم ہے موجودہ افراتفری کے دور میں ہمیں رمضان المبارک کے دوران برکتوں اور رحمتوں کو سمیٹنے کی ضرورت ہے۔