وزیراعلیٰ سندھ کا نوشہرو فیروز، سانگھڑ، نوابشاہ پر مشتمل بے نظیر آباد ڈویژن بنانے کا اعلان

نوشہرہ فیروز (آئی این پی) وزیراعلیٰ سندھ قائم علی شاہ نے بے نظیر آباد کو ڈویژن بنانے کا اعلان کردیا۔ ہفتہ کو  نوشہرہ فیروز میں پریس کانفرنس کے دوران قائم علی شاہ  نے کہا یہ ڈویژن نوشہرو فیروز، سانگھڑ اور نوابشاہ کے اضلاع پر مشتمل ہوگا۔ انہوں نے کہا بے نظیر آباد کو  ڈویژن کا درجہ ملنے سے علاقے کے مسائل جلد اور مقامی سطح پر حل ہوں گے۔ عوام اپنی قائد کے نام پر بننے والے شہر کو ڈویژن کا درجہ ملنے پر انتہائی مسرت کا اظہارکر رہے ہیں۔