کراچی (سپورٹس رپورٹر)نیشنل بینک آف پاکستان نے دفاعی چیمپئن واپڈ اکو دو گول سے شکست دے کر33 ویں جونیئر نیشنل ہاکی چیمپئن شپ اپنے نام کر لی ۔ہاکی کلب آف پاکستان پر کھیلے گئے فائنل میںدونوں ٹیموں نے گول کرنے کے کئی یقینی مواقع بھی ضائع کئے ۔تیسری پوزیشن کے میچ میں پنجاب کلر نے پی آئی اے کو 3-2سے شکست دی ۔نیشنل بینک کے مبشر حسین 7گول کے ساتھ ٹورنامنٹ کے ٹاپ سکورر قرار پائے ۔تقریب تقسیم انعامات کے موقع پر صوبائی وزیر صحت سید صغیر احمد مہمان خصوصی تھے جنہوں نے انعامات تقسیم کئے ۔فاتح ٹیم نیشنل بینک کو دو لاکھ روپے مع ٹرافی ،رنر اپ واپڈا کو ڈیڑھ لاکھ روپے اور ٹرافی جبکہ پنجاب کلر کو تیسری پوزیشن کی ٹرافی اور ایک لاکھ روپے نقد انعام دیا گیا ۔