بوائلر پھٹنے کا واقعہ ٹاون شپ کے علاقے گرجا چوک میں پیش آیا، جہاں لاونڈری کی دکان پر پڑا بوائلر اچانک زوردار دھماکے سے پھٹ گیا جس کے نتیجے میں دکان میں موجود پانچ افراد شدید زخمی ہو گئے ، واقعہ کی اطلاع ملتے ہی ریسکیو ٹیمیں موقع پر پہنچیں اور زخمیوں کو جناح ہسپتال منتقل کیا ، جہاں چودہ سالہ بلال اور دکان کا مالک کاشف زخموں کی تاب نہ لاتے ہوئے دم توڑ گئے  ہسپتال انتظامیہ کے مطابق باقی تینوں زخمیوں کی حالت خطرے سے باہر ہے ، دوسری جانب پولیس نے قانونی کارروائی کے بعد لاشیں ورثا کے حوالے کر دیں