کراچی ( اسپورٹس رپورٹر) پاکستان کرکٹ ٹیم نے جاری پہلے ٹیسٹ میچ کے پہلے روز انگلینڈکو پہلی اننگز میں 184رنزپر ڈھیرکردیاہے جو لارڈز کے مقام پر میچ کی پہلی اننگزمیں انگلینڈکا پاکستان کے خلاف کم ترین اسکور ہے۔اس سے قبل لارڈزکے مقام پر انگلش ٹیم پاکستان کے خلاف میچ کی پہلی اننگزمیں کبھی 300 سے کم اسکورپر آئوٹ نہیں ہوئی تھی۔مجموعی طورپر (میچ کی کسی بھی اننگز میں) یہ محض دوسرا موقع ہے کہ انگلش ٹیم لارڈز کے مقام پر پاکستان کے خلاف 200 سے کم اسکور پر آئوٹ ہوئی ہے جو اس سے قبل محض ایک بار 1992 ء میں اس صورتحال سے دوچار ہوئی تھی جب وہ 175 رنز پر ڈھیر ہوگئی تھی۔184رنزانگلینڈکا لارڈزکے مقام پر 2000ء سے کسی بھی ٹیم کے خلاف دوسراکم ترین اسکوربھی ہے۔اس سے کم اسکورپر وہ صرف ایک بارآئوٹ ہوچکی ہے جب وہ 2003ء میں جنوبی افریقہ کے خلاف 173رنزپر آئوٹ ہوگئی تھی۔