سٹار فٹ بالر لیونل میسی کی شرٹ دنیا کی بلند ترین چوٹی ماﺅنٹ ایورسٹ پر پہنچ گئی

لاہور (سپورٹس ڈیسک) ارجنٹائن اور بارسلونا کے سٹار فٹ بالر لیونل میسی کی شرٹ دنیا کی بلند ترین چوٹی ماﺅنٹ ایورسٹ پر پہنچ گئی ۔ میسی کے اس کا اعلان اپنی آفیشل ویب سائٹ پر کیا ہے ۔ انہوں نے اس سلسلہ میں ارجنٹائن کے کوہ پیما ڈین زینگلوبو کو مبارکباد پیش کی ہے ۔ میسی نے فیس بک پر لکھا کہ ڈین دنیا کی بلند ترین چوٹی سر کرنے پر مبارک ہو ‘یہ بہت بڑی کامیابی ہے ۔ میری شرٹ دکھانے پر بہت زیادہ شکریہ ‘یہ آپ کی مجھ سے محبت کا اظہار ہے ۔