فیروز والا (نامہ نگار) تھانہ صدر کے علاقے میں ڈاکوئوں نے زیرتعمیر گریڈ اسٹیشن میں داخلی ہو کر کام کرنے والے مزدوروں اور ٹھیکیدار سے ہزاروں روپے کی رقم اور موبائل چھین لیے۔ چوروں نے نجی ہسپتال میں داخل ہو کر ہزاروں روپے رقم اور ہسپتال کے باہر کھڑی کرامت کی موٹر سائیکل چوری کر لی۔ چوروں نے سکندر علی کے گھر سے ہزاروں روپے مالیت کا سامان چوری کر لیا۔ چوروں نے ایک آٹا ملز میں داخل ہو کر ساڑھے تین لاکھ روپے کی رقم چوری کر لی۔ نامعلوم افراد نے طاہر محمود کی دکان سے ہزاروں روپے مالیت پٹرول اور ڈیزل سے بھرے ہوئے ڈرم چوری کر لیے۔