سنیٹرز کی پارلیمنٹیرینز الیون کو 63رنز سے شکست ‘فاتح ٹیم کو چیئرمین سینٹ کی مبارکباد

اسلام آباد (صبا ح نیوز +اے پی پی )سینیٹرز الیون نے پارلیمنٹرینز الیون کو 63رنز سے ہرا دیا۔ سینیٹرز الیونز نے 15اورز میں 194رنز بنائے۔قبائلی رکن ہلال رحمان نے نصف سنچری جبکہ سینیٹر احمد خان 37رنز بنا کر نمایاں رہے۔195رنز کے تعاقب میں پارلیمنٹرینز الیون کی ٹیم 131رنز بنا سکی۔چیئرمین سینیٹ محمد صادق سنجرانی نے سینیٹرز الیون کو شاندار کامیابی پر مبارکباد دی۔انہوں نے کہا کہ ایوان بالا کی ٹیم نے کھیل کے تمام شعبوں میں بہترین کارکردگی دکھائی۔ چیئرمین سینیٹ نے سینیٹرز شبلی فراز، احمد خان، شاہ زیب درانی اور مرزا آفریدی کو شاندار کارکردگی پر بھر پور مبارکباد دی۔