کراچی(کامرس رپورٹر)امریکی ریسرچ ادارے فیچ سلوشنز نے پیشگوئی کی ہے کہ پاکستانی حکومت نے گذشتہ ہفتے دو مشکل فیصلے کئے جس سے پاکستان کی معیشت میں جلد بہتری آئے گی۔رپورٹ کے مطابق امریکی ریسرچ کے ادارے فیچ سلوشنز نے امید ظاہر کی ہے کہ پاکستانی حکومت نے گذشتہ ہفتے دو مشکل فیصلے کئے جس سے پاکستان کی معیشت میں بہت جلد ہی بہتری کا امکان ہے۔ ان دو فیصلوں میں ڈالر کے مقابلے میں روپے کی قدر میں 7.5 فیصد کمی اور 8 سال میں اسٹیٹ بینک کا شرح سود میں 1.5 فیصد اضافہ کرکے اسے 12 اعشاریہ 25 فیصد کرنا شامل ہے۔فیچ سلوشنز کے مطابق شرح سود بڑھانے سے افراط زر میں آنے والے ماہ میں استحکام آئے گا، روپے کی قدر اور درآمد شدہ سامان کی قیمتیں بھی بہتر ہوں گی اور پاکستان کی معیشت میں استحکام آئے گا۔