قومی خواتین کھلاڑیوں اور اسپورٹ اسٹاف کی کوویڈ 19 ویکسینیشن 

کراچی (اسپورٹس رپورٹر)قومی خواتین کھلاڑیوں اور اسپورٹ اسٹاف کو کراچی کے ہائی پرفارمنس سنٹرز میں سنگل ڈوز لگائی گئی ۔ ترجمان پی سی بی کا کہنا ہے کہ کھلاڑیوں کی صحت اور حفاظت ہماری اولین ترجیح ہے، این سی او سی کے اشتراک سے ہم نے ویکسینیشن کا دوسرا مرحلہ شروع کیا اور پہلے مرحلے میں تینوں طرز کی کرکٹ میں پاکستان کی نمائندگی کرنے والے مینز کرکٹرز اور اسپورٹ اسٹاف کی ویکسینیشن مکمل کی گئی، پی سی بی دنیا کا پہلا بورڈ ہے جس نے سب سے پہلے اپنے کھلاڑیوں اور اسپورٹ اسٹاف کی کوویڈ 19 ویکسینیشن کا آغاز کیا تھا۔ایچ بی ایل پی ایس ایل 6 میں شریک کھلاڑیوں، میچ آفیشلز، اسپورٹ اسٹاف اور ایونٹ اسٹاف کی ویکسینیشن بھی کل کی جائے گی۔