قتل کی واردات کا ڈراپ سین‘ بیوی اور بھتیجا قاتل نکلے

لاہور+کاہنہ(نامہ نگاران) کاہنہ میں الطاف حسین کے اندھے قتل کا ڈراپ سین ہو گیا ہے۔بیوی اوربھتیجا ہی قاتل نکلے۔ تفصیلات کے مطابق سی آئی اے ماڈل ٹاؤن پولیس نے الطاف حسین کے اندھے قتل کی واردات میں ملوث اس کی بیوی اوربھتیجے کو ساتھی سمیت گرفتار کر لیا ہے۔گرفتار ملزمان میں مزمل امتیازاحمد،شعیب اور فوزیہ شامل ہیں جبکہ گرفتار ملزمان سے آلہ قتل پسٹل،موٹرسائیکل اورگولیاں بر آمدکر لی گئی ہیں۔ پولیس کے مطابق ملزم مزمل کے اپنی چچی فوزیہ کے ساتھ نائز تعلقات تھے ۔ملزم نے چچی فوزیہ سے مل کراپنے چچاالطاف حسین کوراستے سے ہٹانے کامنصوبہ بنایا اور ملزم نے چچی فوزیہ اور دوست شعیب کی مدد سے فائرنگ کرکے چچا کو قتل کردیا ۔