ملتان (جنرل رپورٹر) پولیس کی مختلف کارروائیاں ،32جرائم پیشہ گرفتار ،52لاکھ مالیت کی 2کار یں ،منشیات اسلحہ برآمد تفصیل کے مطابق پولیس نے جرائم پیشہ عناصر کے خلاف کارروائیوں کے دوران 8 منشیات فروش، 4 ناجائز اسلحہ، 1 جواری، 4 میرج ایکٹ، 6 تیز رفتار، 6 اشتہاری مجرمان، 1 عدالتی مفرور اور 1 رہائی یافتہ عادی مجرم سمیت 31 ملزمان کو گرفتار کر لیا ہے ملزمان کے قبضہ سے 160 لیٹر شراب، 264 بوتل ولائیتی شراب، 2425 گرام چرس، 400 گرام بھنگ 4 پسٹل 30 بور معہ 5 گولیاں برآمد ہوئیں۔پولیس تھانہ چہلیک کو 2 مختلف واقعات میں ملک شان اور رؤف احمد نے اطلاع دی کہ جہانگیر کھیڑا نے نوسر بازی کر کے ان سے 2 گاڑیاں جن کی مالیت 52 لاکھ روپے ہے لے لیں اور تاحال واپس نہ کیں پولیس نے دونوں واقعات پر کاروائی کرتے ہوئے مقدمات درج کر کے گاڑیوں کو ٹریس کر کے برآمد کیں۔ایس ایچ او تھانہ چہلیک عمران گل نیازی نے تھانہ کے دیگر پولیس افسران کے ہمراہ کاروائی کرتے ہوئے دونوں گاڑیاں برآمد کر کے ملزم کو گرفتار کیا۔