دنیابھر میںاقوام متحدہ کے103 امن فوجیوں میں8 پاکستانی نمایاں

اسلا م آبا د (خصوصی نامہ نگار)دنیابھرسے اقوام متحدہ کے103 امن فوجیوں میں8 پاکستانی شامل ہیں جنہیں کل نیویارک میں اقوام متحدہ کے امن دستوں کے75ویں سالگرہ کے موقع پر خصوصی تقریب میں بعدازمرگ اعزازات سے نوازاجائے گا۔تفصیلا ت کے مطا بق 6 پاکستانی امن فوجی جمہوریہ کانگو میں اقوام متحدہ کے امن مشن میں خدمات سرانجام دیتے ہوئے ہیلی کاپٹر کے حادثے میں شہیدہوگئے تھے۔ان پاکستانیوں میںحوالدارمحمداسماعیل، میجرفیضان علی، لیفٹیننٹ کرنل آصف علی اعوان، نائب صوبیدارسمیع اللہ خان، میجرمحمدسعدنعمانی اورلانس حوالدارمحمدجمیل خان شامل ہیں۔پاکستان اس وقت اقوام متحدہ کے امن دستوں میں پانچواں بڑامعاون ملک ہے جس کے تقریبا چارہزاردوسوفوجی اورپولیس اہلکارمختلف ملکوں میں خدمات سرانجام دے رہے ہیں۔