مکتوب فرانس
صاحبزادہ عتیق الر حمن
پاکستان مسلم لیگ ن فرانس کے رہنما سید خالد جمال شاہ کی جانب سے مسلم لیگ ن فرانس کے سینئر رہنما سردار ظہور اقبال کی پاکستان واپسی پر ان کے اعزاز میں ایک شاندار عشائیے کا اہتمام کیا گیا - یہ عشائیہ سردار ظہور اقبال کے سمدھی سردار سلیم حیدر کے گورنر پنجاب بننے کی خوشی اور خرم شہزاد وزیرابادی کو پاکستان ٹیلی ویڑن فرانس کا نمائندہ مقرر ہوئے پر مبارکباد کے سلسلے میں دیا گیا۔ اس عشائیے میں گورنر پنجاب سردار سلیم حیدر کے داماد اور سردار ظہور اقبال کے لخت جگر سردار حسیب اقبال نے خصوصی طور پر شرکت کی۔عشائیے میں پاکستان مسلم لیگ ن فرانس کے کارکنوں اور پاکستانی کمیونٹی کے دیگر افراد کی کثیر تعداد نے شرکت کی۔ تلاوت قرآن پاک کی سعادت طاھر جاوید للہ کو حاصل ھوئی - سینئر صحافی صاحبزادہ عتیق الرحمن نے نیابت کے فرائض سر انجام دئیے - سید خالد جمال شاہ نے سردار ظہور اقبال کو ان کی آمد پر دل کی اتھاہ گہرائیوں سے خوش آمدید کہتے ھوئے ان کے قریبی ساتھی اور عزیز سردار سلیم حیدر کے گورنر پنجاب بننے پر انھیں مبارکباد پیش کی - انہوں نے خرم شہزاد وزیرابادی کو بھی پاکستان ٹیلی ویڑن فرانس کا نمائندہ مقرر ھونے پر مبارکباد پیش کی -سردار ظہور اقبال نے سید خالد جمال شاہ کا خصوصی اور دیگر مہمانان کی آمد پر ان کا شکریہ ادا کیا - ان کا کہنا تھا کہ یہ ھمارے لئے اعزاز کی بات ھے کہ سردار سلیم حیدر گورنر پنجاب مقرر ھوئے ھیں - وہ پیپلز پارٹی کے ایک انتہائی اہم عہدیدار اور کمٹیٹیڈ کارکن ھیں - اس سے پہلے وہ آوور سیز پاکستانیوں کے وزیر بھی رہ چکے ھیں - سردار ظہور اقبال کا کہنا تھا کہ سردار سلیم حیدر کو فرانس کے دورے کی دعوت دی گئی ھے جو انہوں نے قبول کرلی ھے اور انشاء اللہ وہ اپنی پہلی فرصت میں فرانس تشریف لائیں گے - ان کا کہنا تھا کہ فرانس کے رھنے والے اور تمام اوورسیز پاکستانیوں کے لئے گورنر پنجاب کے دروازے کھلے ھیں اور انشاء اللہ گورنر پنجاب اپنی پوری صلاحیتیں پاکستان کی خدمت میں لگا دیں گے -؛ انہوں نے خرم شہزاد وزیرابادی کو ڈھیروں مبارکباد پیش کی اور کہا پاکستان ٹیلی ویڑن فرانس کے لئیے ان کی نمائندگی قابل تحسین ھے- چئیرمن پاکستان مسلم لیگ ن فرانس راجہ علی اصغر نے اپنے خطاب میں سردار ظہور اقبال کو اور سردار حسیب اقبال کو مبارکباد پیش کی - انہوں نے سید خالد جمال شاہ کو بھی خراج تحسین پیش کیا کہ انہوں نے پاکستان مسلم لیگ ن کے پلیٹ فارم سے ایک شاندار عشائیے کا اہتمام کیا - انہوں نے خرم شہزاد وزیرابادی کو پاکستان ٹیلی ویڑن فرانس کا نمائندہ مقرر ھونے پر مبارکباد پیش کرتے ھوئے امید ظاہر کی کہ وہ اپنی اس نئی زمہ داری کو احسن طریقے سے پورا کریں گے - سردار حسیب اقبال نے اپنے خطاب میں سردار سلیم حیدر کے گورنر پنجاب بننے پر ھونے والی اس شاندار تقریب پر سید خالد جمال شاہ کا شکریہ ادا کیا - ان کا کہنا تھا کہ سردار سلیم حیدر کا گورنر پنجاب مقرر ھونا پیپلز پارٹی کی قیادت اور صدر آصف علی زرداری کا ان پر اعتماد ھونے کی نشانی ھے - اس سے قبل سردار ظہور اقبال کی آمد پر ان کا ڈھول بجا کر اور پھول پیش کرکے شاندار استقبال کیا گیا -