کولمبو (این این آئی) سری لنکا اور نیوزی لینڈ کی کرکٹ ٹیموں کے درمیان دو ٹیسٹ کرکٹ میچوں پر مشتمل سیریز کا دوسرا اور آخری ٹیسٹ (آج) اتوار سے کولمبو میں شروع ہو گا۔ نیوزی لینڈ ٹیم کے کپتان روزٹیلر نے کہا ہے کہ آخری ٹیسٹ جیت کر دورے کا مثبت اختتام کرنے کی کوشش کریں گے۔ انہوں نے کہا کہ سری لنکا کی ٹیم اچھا کھیل رہی ہے اور سیریز برابر کرنے کےلئے ٹیم کے ہر کھلاڑی کو اپنی ذمہ داری احسن طریقے سے نبھانا ہو گی۔ دوسری جانب سری لنکن کپتان مہیلا جے وردھنے نے کہا کہ مسلسل فتوحات کے بعد کھلاڑیوں کا مورال بلند ہے اور وہ آخری ٹیسٹ جیت کر مہمان ٹیم کوخالی ہاتھ بھیجنے کےلئے تیار ہیں۔