کراچی میں سی آئی ڈی پولیس نے دہشت گردی کا منصوبہ ناکام بنادیا۔ مقابلے میں کالعدم تنظیم کا دہشت گرد ہلاک جبکہ خودکش جیکٹس سمیت اسلحہ اور بارود برآمد کرلیا۔

آئی جی سند فیاض لغاری نے کراچی میں پریس کانفرنس کے دوران بتایا کہ سی آئی ڈی ٹیم نے منگھو پیر کے علاقے سلطان آباد میں کارروائی کرتے ہوئے دہشت گردوں کے قبضے سے سو کلو بارودی مواد، دو کلاشنکوف، دو ٹی ٹی پسٹل اور دو خوکش جیکٹ برآمد کرلیے۔ کارروائی میں ایک دہشت گرد ہلاک اور ایک کو گرفتار کرلیا جبکہ دیگر ساتھی فرار ہونے میں کامیاب ہوگئے۔ ان کا کہنا تھا کہ ملزمان محرم کے جلوس کے دوارن دہشت گردی کرنا چاہتے تھے۔ ہلاک ہونے والا ملزم عباس ٹاؤن میں موٹر سائیکل کھڑی کرنے والے شخص سے مشابہت رکھتا ہے۔