گوجرہ: دو افراد نے 12 سالہ بچے پر پالتو کتا چھوڑ دیا، شدید زخمی، ہسپتال منتقل

گوجرہ (نامہ نگار) دو افراد نے بارہ سالہ بچے پر پالتو کتا چھوڑ دیا کتے نے نوچ نوچ کر بچے کو شدید زخمی کر دیا ‘ حالت غیر ہونے پر ہسپتال منتقل کر دیا گیا۔ کتے کے مالک کھڑے تماشا دیکھتے رہے۔ معلوم ہوا ہے کہ محلہ رسول پورہ کے عبدالغفار کا بارہ سالہ بیٹا فیصل  مویشیوں کیلئے چارہ لے کر آ رہا تھا کہ  انور اور شفیق نے اپنا پالتو کتا چھوڑ دیا اور اسے چھچکارا تو اس نے فیصل کو  بری طر ح زخمی کر دیا جس سے اس کی حالت غیر ہو گئی جسے فوری طور  جنرل ہسپتال گوجرہ پہنچایا گیا جہاں بچے کی حالت تشویش ناک بیان کی جاتی ہے۔ اطلا ع ملنے پر سٹی پولیس گوجرہ نے دو افراد کے خلاف مقدمہ درج کر کے ملزموں کی تلاش شروع کر دی ہے۔