پیپلز پارٹی کا 47واں یوم تاسیس 30نومبر کو منایا جائیگا

لاہور ( این این آئی) پاکستان پیپلز پارٹی کا 47واں یوم تاسیس 30نومبر کو بھرپورجوش و جذبے سے منایا جائے گا ۔اس دن کی مناسبت سے پیپلز پارٹی اور اسکی ذیلی تنظیموںکے زیر اہتمام ملک بھر میں تقریبات کا انعقاد کیا جائے گا جس سے مرکزی اور صوبائی قائدین خطاب کریں گے۔ یوم تاسیس کے سلسلہ میں کیک کاٹنے کی تقریبات منعقد ہوں گی جس میں ملک و قوم کی سلامتی اور شہداء کی روحوں  کے ایصال ثواب کیلئے فاتحہ خوانی بھی کی جائیگی۔ذرائع نے بتایا ہے کہ پارٹی کے چیئرمین بلاول بھٹو زرداری کی بھی لاہور آمد کا امکان ہے۔