بین الاقوامی تجارتی نمائش ”پیپر ورلڈ“ میں شرکت کیلئے درخواستیں 29 نومبر تک طلب

ابو ظہبی (این این آئی) ٹریڈ ڈویلپمنٹ اتھارٹی نے کہا ہے کہ متحدہ عرب امارات میں منعقد ہونے والی تین روزہ بین الاقوامی تجارتی نمائش ”پیپر ورلڈ“ میں شرکت کیلئے درخواستیں 29 نومبر تک جمع کروائی جاسکتی ہیں ۔دبئی متحدہ عرب امارات میں تجارتی میلے میں آفس سپلائز ‘ اسکول سپلائز‘ لکھا ئی و ڈرائینگ ‘ گفٹ ‘ پیکجنگ مصنوعات‘ گریٹنگ کارڈ ‘ تصویری کلینڈر ‘ دفتر و گھر کیلئے پیپر اور پلاسٹک ‘ پیپر ورلڈ اسکرپٹم و کریٹیو وغیرہ تیارو برآمد کرنے والے ادارے نمائش میں شرکت سے اپنی مصنوعات بین الاقوامی خریداروں کے سامنے پیش کرکے کاروباری معاملات طے کرسکتے ہیں جس سے ملکی برآمدات کو فروغ حاصل ہوگا۔