ڈیوس کپ کی فاتح سوئٹزرلینڈ ٹیم کا وطن پہنچنے پر پرتپاک اور والہانہ استقبال کیا گیا،، سٹار کھلاڑی راجر فیڈرر کا کہنا تھا کہ جیت ان کے کیرئیر کے چند یادگار لمحات میں سے ایک ہے۔

سوئٹزرلینڈ کے شہر لاؤسان  میں فاتح ٹیم کیلئے ایک تقریب کا اہتمام کیا گیا،اس موقع پر ہزاروں کی تعداد میں مداح اپنے قومی ہیروز کا استقبال کرنے کے لیے جمع تھے جو ٹیم کی جیت کی خوشی میں نعرے بازی  کرتے رہے۔عالمی نمبر دو راجر فیڈرر نے اس موقع پر کہا کہ  کامیابی ٹیم ورک کا نتیجہ ہے اور پہلی بار ڈیوس کپ جیتنا ان کے زندگی کے ناقابل فراموش لمحات میں سے ایک ہےسوئٹزرلینڈ نے ڈیوس کپ میں فرانس کو تین ایک سے شکست دے کر پہلی بار یہ اعزاز اپنے نام کیا تھا۔