بنگلہ دیش پریمیئرلیگ:کومیلا وکٹورینز‘بریسال بلز کی ٹیمیں کامیاب

میرپور(سپورٹس ڈیسک ) بنگلہ دیش پریمیئر لیگ کے میچ میں کومیلا وکٹورینز نے چٹا گانگ وائیکنگز کو 7وکٹوں سے ہرادیا ۔ چٹا گانگ وائیکنگز نے چاروکٹوں کے نقصان پر 176رنز بنائے ۔انعام الحق نے 39اور ضیا ء الرحمٰن نے 39رنز بنائے ۔اشعر زیدی نے 2وکٹیں حاصل کیں ۔کومیلا وکٹورینز نے ہدف3وکٹوں کے نقصان پرپورا کرلیا۔ مارلن سیموئیلز نے ناقابل شکست69اور کپتان مشرفی مرتضیٰ نے ناقابل شکست 56رنز بنائے محمد عامر نے 2وکٹیں حاصل کیں ۔ سعید اجمل نے 35رنز دیئے مگر کوئی وکٹ حاصل نہ کرسکے ۔مشرفی مرتضیٰ کو میچ کا بہترین کھلاڑی قرار دیاگیا۔دوسرے میچ میں بریسال بلز نے سلہٹ سپر سٹارز کو ایک رن سے ہرادیا ۔ بریسال بلز کی ٹیم19.3اوورز میں 108رنز بناکر آئوٹ ہوگئی ۔ناظم اسلا م نے تین وکٹیں حاصل کیں ۔سہلٹ سپر سٹار ز کی ٹیم9وکٹوں پر 107رنز بناسکی ۔مین آف دی میچ الاامین حسین نے پانچ جبکہ محمد سمیع نے تین وکٹیںحاصل کیں ۔