لاہور لیڈز یونیورسٹی میں کلچرل ڈے تقریب کا اہتمام

لاہور (پ ر) لیڈزمیڈیا سوسائٹی شعبہ صحافت کے زیر اہتمام لاہور لیڈز یونیورسٹی کے مرکزی کیمپس میں تعلیمی سال 2016-17ء میں داخلہ لینے والے نئے طالب علموں کے اعزاز میں دیسی روایتی تھیم پر ناشتہ کے سٹالز لگائے گئے۔ طلبا و طالبات نے خوبصورت کلچرل ملبوسات میں تقریب میں شرکت کی۔ مکئی کی روٹی‘ ساگ‘ پٹھورے چنے‘ حلوہ پوری اور مزیدار لسی جیسی مینو میں شرکا اور طالب علموں نے خاص دلچسپی لی۔ صدر لیڈز سوسائٹی سمعید شیخ نے مزید بتایا کہ کلچرل تھیم کے مطابق کیمپس کو روایتی چارپائی‘ ڈریس کوڈ اور جھنڈیوں سے سجایا گیا ہے تاکہ نئی نسل کو روایتی اور دم توڑتے کلچر سے روشناس کرایا جا سکے۔