لاہور+ فیروزوالا (نامہ نگاران) ڈاکوئوں اور چوروں نے شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا۔ ڈاکوؤں نے کاہنہ میں سنٹرل پارک کے مزمل رشیدکے گھرگھس کر اہلخانہ کو گن پوائنٹ پر یرغمال بنا کر 12لاکھ‘ چوہنگ کے علاقہ جوبلی ٹائون میں آصف کے گھر سے5لاکھ‘ ،گجرپورہ میں اویس کے گھر سے 3لا کھ45ہزار‘ لوئر مال میں اختر کے گھر سے3لا کھ کی نقدی، طلائی زیورات،موبائل فون اور دیگر سامان ، ہربنس پورہ میں عرفان کی فیملی سے3لاکھ55 ہزار،مانگا منڈی میں حما دکی فیملی سے 2لا کھ45ہز ارروپے مالیت کی نقدی، طلائی زیورات اورموبائل فون، ڈیفنس بی میںعمیر سے 52ہزارر، وحدت کالونی میں شازیہ سے 22ہزارر اور موبائل فون لوٹ لیا۔ چوروں نے ڈیفنس بی میں فاروق اسلم کے گھر سے 25لاکھ، سندر میں احمد مبین کے گھر سے 20لاکھ‘ اقبال ٹائون میں سکندر کے گھر سے 11لاکھکی نقدی، طلائی زیورات اور دیگر سامان چوری کر لیا۔ علاوہ ازیں شاہدرہ سے افضل، مزنگ سے عمران کی گاڑیاں جبکہ لوئرمال سے محمود، شاہدرہ سے سلیم، نواں کوٹ سے اویس،گرین ٹائون سے زبیر، نواب ٹائون سے عمار، رائیونڈ سے جاوید ، اچھرہ سے شان،با دامی باغ سے جا وید اور سبزہ زار سے مجید کی موٹرسائیکلیں چوری کرلی گئیں۔ دریں اثناء فیروزوالا میں جی ٹی روڈ کی آبادی رچنا ٹائون میں ڈاکوئوں نے جواد رحمت کے اہلخانہ کو یرغمال بناکر لاکھوں روپے مالیت کے زیورات اور ڈیڑھ لاکھ نقدی جبکہ شفیق احمد سے موٹر سائیکل اور نقدی چھین لی۔ سگیاں چوک کے قریب ڈاکوئوں نے دکندار مرغوب احمد کو جان سے مار دینے کی دھمکی دے کر ایک لاکھ 30ہزار روپے اور موبائل‘ چوروں نے دکان کے تالے توڑ کر ہزاروں روپے کا سامان چوری ‘ دو عورتوں نے ساتھیوں کی مدد سے زرگر کی دکان میں گاہک بن کر دکاندار اشتفاق کو اسلحہ دکھاکر 10لاکھ کے زیورات لوٹ لئے۔