کراچی (نامہ نگار خصوصی )پیپلز پارٹی کے چیئرمین بلاول بھٹو زرداری نے کہا ہے کہ پیپلز پارٹی نے ہمیشہ عوامی حقوق کے تحفظ اور جمہوریت کی بالادستی کیلئے کام کیا ہے اور وہ آئندہ بھی اپنے اس مشن سے کبھی پیچھے نہیں ہٹے گی۔انہوں نے کہا کہ پی پی نے ہمیشہ ہر قسم کی آزمائشوں کا بڑی پامردی کے ساتھ مقابلہ کیا ہے آج بھی ہمارے حوصلے بلند اور عزم جواں ہے۔ انہوں نے ان خیالات کا اظہار ہفتہ کو یہاں بلاول ہاﺅس کراچی میں پارٹی کے 51 ویں یوم تاسیس کی تیاریوں کا جائزہ لینے کیلئے منعقدہ اجلاس کی صدارت کرتے ہوئے کیا۔اجلاس میں فیصلہ کیا گیا کہ پارٹی کا یوم تاسیس بھرپور جوش و جذبے سے منایا جائیگا۔ بلاول بھٹو نے کہا کہ جلسے کی تیاریوں کے حوالے سے پارٹی کے جیالوں کا جوش جذبہ قابل تعریف ہے اور یوم تاسیس پرپارٹی نظریئے و فلسفہ سے تجدید عہد نو کیا جائیگا، جس کے لئے قیادت نے اپنی جانوں کی قربانی دیکر ایک تاریخ رقم کی ہے۔
بلاول بھٹو