کوہستان (اے پی پی) کوہستان اپر کے گائوں ہربن میں جلال شاہ نامی شخص کی چلتی گاڑی پر اندھا دھند فائرنگ کر کے تین افراد کو ہلاک اور چار کو زخمی کر دیا۔ پولیس ذرائع کے مطابق ٹیوٹا جو ہربن گائوں کے لنک روڈ پر جا رہی تھی، پر اچانک جلال شاہ نامی شخص نے فائرنگ کر دی جس کے نتیجہ میں ڈرائیور رحمت نبی، اس کا بھتیجا عثمان اور گاڑی میں سوار ایک شخص رمضان گولیاں لگنے سے جاں بحق اور چار افراد زخمی ہو گئے جنہیں چلاس اور ایبٹ آباد کے ہسپتالوں میں منتقل کر دیا گیا ہے۔ ذرائع کے مطابق تصادم کی وجہ معلوم نہیں ہو سکی۔ پولیس نے موقع پر پہنچ کر ہلاک ہونے والوں اور زخمیوں کو ہسپتال پہنچایا۔ پولیس نے رپورٹ درج کر کے واقعہ سے متعلق معلومات حاصل کر لی ہے۔