لاہور،اسلام آباد سمیت  پنجاب کے بیشتر شہروں میں موسم ابر آلود اور بارش کا امکان 

لاہور+اسلام آباد(سپورٹس رپورٹر+صباح نیوز) ملک کے بالائی علاقوں میں برف باری اور ہلکی بارش کے بعد میدانی علاقوں میں بھی بھی سردی میں اضافہ ہو گیا ہے۔ صوبہ پنجاب کے بیشتر بالائی علاقوں میں مطلع ابر آلود رہے گا۔ تاہم لاہور، خطہ پوٹھوہار، میانوالی، سرگودھا، بھکر، لیہ، گوجرانوالہ، سیالکوٹ، فیصل آباد، جھنگ، ساہیوال اور نارووال میں بارش کا امکان ہے۔  اسلام آباد سمیت پنجاب کے بیشتر علاقوں میں مطلع ابر آلود رہنے کے ساتھ ساتھ بارش کا بھی امکان ہے۔ اسی طرح خیبرپی کے کے بیشتر علاقوں میں مطلع ابر آلود رہے گا۔ اس دوران مری اور گلیات میں برف باری کی بھی توقع ہے۔ سندھ کے بیشتر علاقوں میں موسم خشک اور سرد رہے گا۔ بلوچستان کے بیشتربالائی اضلاع میں مطلع جزوی ابر آلود اور موسم سرد رہے گا۔ کشمیراور گلگت بلتستان میں مطلع  ابر آلود رہنے کے ساتھ وقفے وقفے سے بارش اور برفباری کی توقع ہے۔