بہاولپور (خبرنگار)سنٹرل جیل بہاولپور میں ہفتہ شان رحمت اللعالمین  جوش و جذبہ سے منایا گیا۔ روزانہ کی بنیاد پرتلاوت قرآن پاک ،محافل میلاد رحمت اللعالمین، قرآن خوانی، وعظ و نصیحت کا اہتمام کیاگیا۔ جس میں تمام افسرا ن اور اہلکاروں نے بھی شرکت کی۔ شہرام توقیرخاں کے مطابق روزانہ کی بنیاد پر عشق رسول  اور ان کی حیات طیبہ کے حوالہ سے تقاریر و بیانات کا خصوصی اہتمام کیا جاتا رہا۔ ہفتہ شان رحمت اللعالمین کے حوالہ سے جیل کو اندرونی و بیرونی طور پر روشنی کے قمقموں، جھنڈیوں  سے سجایا گیا اور چراغاں بھی کیا گیا تھا۔ علاوہ ازیں اسیران کی بڑی تعداد نے تلاوت کلام پاک، نعت خوانی اور اپنے بیان میں شان مصطفیٰ پرخطاب کیا۔