لاہور (سپورٹس رپورٹر) پاکستان فٹ بال فیڈریشن نارملائزیشن کمیٹی نے آئندہ انتخابات کے لئے اہم عہدیداروں کا تقرر کیا ہے۔ نارملائزیشن کمیٹی کی ہدایت میں چاروں صوبوں اور اسلام آباد کے لئے سیکرٹری انتخابی کمیٹی اور صوبائی الیکشن کمشنرز کو نامزد کیا گیا ہے۔ چوہدری محمد سلیم کو پی ایف ایف کی انتخابی کمیٹی کا سکرٹری مقرر کیا گیا ہے جبکہ ملک مقبول حسین، قاضی نور احمد، یو ایف طارق لطفی اور ملک اصغر اعوان بالترتیب بلوچستان ، سندھ ، پنجاب اور خیبر پختونخوا کے صوبائی الیکشن کمشنر کے عہدے کا چارج لیں گے۔ راشد بروہی کو اسلام آباد کیلئے صوبائی الیکشن کمشنر مقرر کیا گیا ہے۔