جعفر میموریل انٹر سکول ہاکی چیمپئن شپ‘4میچوں کا فیصلہ 

لاہور(سپورٹس رپورٹر)جعفر میموریل انٹر سکول ہاکی چیمپئن شپ میں نوبل ایمز تتلے والی گوجرانوالہ‘علامہ اقبال سکول گوجرہ اورگورنمنٹ ہائی سکول صفدرا آباد سکول نے اپنے اپنے مد مقابل کو شکست دیدی۔نوبل ایمز تتلے والی گوجرانوالہ سکول نے ایم سی ہائی سکول قصور کو ساتصفر سے شکست دی۔محمد احمد نے ہیٹ ٹرک بنائی جبکہ محمد عبداللہ دو گول کرکے نمایاں سکورر رہے۔ گورنمنٹ ہائی سکول صفدرا آباد نے زمیندار سکول گجرات کو ایک کے مقابلے میں دو گول سے‘علامہ اقبال سکول گوجرہ نے فرقان ہائی سکول شیخوپورہ کو ایک کے مقابلے میں چار گول سے اور گورنمنٹ ہائی سکول خائصہ نے گورنمنٹ علی عباس شہید ہائی سکول مرید کے کو ایک کے مقابلے میں پانچ گول سے شکست دی۔ ڈی پی ایس لاہور کے سکول کو احسن سکول اوکاڑہ کیخلاف واک مل گیا۔ٹورنامنٹ میں آج چار میچ کھیلے جائیں گے۔