کراچی (اسپورٹس رپورٹر) سجاس بلیوز، جیو تیز نیوز نے ایس ایس بی سجاس اسپورٹس فیسٹول کے کرکٹ ٹورنامنٹ کے دوسرے مرحلے کے مرحلے میں رسائی حاصل کرلی جبکہ بہترین نیٹ رن اوسط کی بنیاد پر جی این این نیوز تیسرے مرحلے میں پہنچ گئی، انو بھائی پارک ناظم آباد جیمخانہ میں فیسٹول کے دوسرے روز کھیلے جانے والے میچ میں سجاس بلوز نے شہروز علوی کی شاندار آل راؤنڈر کارکردگی کے باعث بول نیوز کو  102 رنز سے شکست دیدی، فاتح ٹیم نے پانچ وکٹ کے نقصان پر مقررہ 20 اوور میں بول نیوز کو 256 رنز کا پہاڑ جیسا ہدف دیا، بول نیوز کی پوری ٹیم 18.2 اوور میں 152 رنز پر پویلین لوٹ گئی، سجاس بلوز کے شہروز علوی نے 54 گیندوں پر 3 چھکوں اور 19 چوکوں کی مدد سے ناقابل شکست 120 رنز بنانے کے ساتھ 3.2 اوور میں 21 رنز دیکر 4 وکٹیں حاصل کر کے میچ کے بہترین کھلاڑی رہے۔ فاتح ٹیم کے بدیع الزماں دوسرے کامیاب بلے باز رہے ۔انہوں نے 34 گیندوں پر 11 چوکوں کی مدد سے 65 رنز بنانے کے ساتھ تین وکٹیں لینے میں کامیاب رہے، اصغر علی شاہ اسٹیڈیم میں کھیلے جانے والے میں پہلے میچ میں جی این این نیوز نے 24 نیوز کو 7 وکٹوں سے شکست دے دی