کراچی (اسپورٹس رپورٹر)کمشنر کراچی محمد اقبال میمن نے کہاکہ شہر کراچی کی اسکولوں کی طالبات نے اپنے ٹیلنٹ کے ذریعے بین الاقوامی سطح پرملک اور قوم کا سر فخر سے بلند کردیا، مالدیپ میں منعقدہ سہہ ملکی انٹر اسکول روینگ ریگاٹا چمپئنز کراچی کی اسکولوں کے طلبا و طالبات کے اعزاز میں اپنی جانب سے دیئے گئے استقبالیہ سے خطاب کرتے ہوئے کمشنر کراچی نے کہاکہ ہمارے یہ ہونہار بچوں نے نہ صرف ملک اور اپنے شہر کا بلکہ اپنے والدین اور اساتذہ کرام اور اپنے اسکولوں کا نام بھی دنیا میں روشن کیا ہے۔ کمشنر کراچی نے تمام اسکولز،کالجز اور یونیورسٹیز سے درخواست کی کہ کھیلوں خصوصا روینگ ریگا ٹا کی سہولتیں بچوں کو فراہم کریں تاکہ ہمارے یہ ہونہار بچے دنیا میں پاکستان کا نام روشن اور قوم کا سر فخر سے بلند کرسکیں۔تقریب میں  سابق ڈپٹی کمشنر ساؤتھ صلاح الدین احمد، شمسی اکیڈمی کے چیئر مین خالد جمیل شمسی شاہدہ پروین کیانی غلام محمد خان اور دیگر بھی موجود تھے۔