سندھ حکومت نے چڑیا گھر کو تباہ کر دیا ہے کیوں کہ ان کا پورا نظام کرپشن میں ڈوبا ہے، بیان
وفاقی وزیر برائے بحری امور علی زیدی نے سندھ حکومت کو چڑیا گھر کا انتظام سنبھالنے کی پیش کش کی ہے۔مائیکرو بلاگنگ ویب سائٹ ٹوئٹر پر اپنے ایک پیغام میں علی زیدی نے کہا کہ سندھ حکومت نے چڑیا گھر کو تباہ کر دیا ہے کیوں کہ ان کا پورا نظام کرپشن میں ڈوبا ہے۔انہوں نے کہا کہ چڑیا گھر کو جنگلی حیات کے لیے بہترین اور عوامی تفریح گاہ بنائیں گے۔واضح رہے کہ کراچی چڑیا گھر میں نایاب نسل کا سفید شیر غذا کی کمی کے سبب ہلاک ہو گیا تھا، شیر کے لاغر پن کی ویڈیو سوشل میڈیا سائٹس پر وائرل ہوئی تھی۔