لاہور ( خصوصی نامہ نگار) ناظم اعلیٰ مرکزی جماعت اہلسنت پاکستان وصدر تحریک عظمت آل واصحاب رسول پیر سید عرفان مشہدی نے کہا ہے کہ رسول کریم کی آل اور آپ کے جانثار اصحاب کی عظمت وشان بہت بلند ہے۔ ۔ان خیالات کا اظہار انہوں نے مرکزی جماعت اہل سنت کے صوبائی اجلاس سے خطاب کرتے ہوئے کیا جو کہ سالانہ عزت رسول کانفرنس کے حوالے سے مشاورت کیلئے بلایا گیا تھا۔اجلاس میں فیصلہ کیا گیا کہ سالانہ انٹرنیشنل عزتِ رسول کانفرنس وبتول کانفرنس 24 دسمبر کو کرائی جائے گی۔مرکزی سیکرٹری اطلاعات ونشریات سید احسان احمد گیلانی کے مطابق اس سلسلے میں تیاریاں باقاعدہ شروع کر دی گئی ہیں۔ پیر سید عرفان مشہدی نے مزید کہا کہ چار یار مصطفی کا دامن نہیں چھوڑ یں گے ہمارا اور ہماری جماعت کا متفقہ نعرہ ہے۔ ہم عظمت آل واصحاب کا پرچم پوری دنیا میں بلند کریں گے اور اس پر کوئی سمجھوتہ نہیں ہو گا ۔