سارک  اسنوکر چیمپئن شپ‘قومی ٹیم بنگلہ دیش چلی گئی 

لاہور(سپورٹس رپورٹر) دوسری سارک سنوکر شپ2022میں شرکت کیلئے قومی سنوکر ٹیم بنگلہ دیش چلی گئی۔ پاکستان بلیئرڈ اینڈ سنوکر ایسوسی ایشن کی طرف سے جاری تفصیلات کے مطابق قومی ٹیم دوسری سارک سنوکرچیمپئن شپ میں شرکت کیلئے گزشتہ روز تھائی ایئرویز کی پرواز نمبرTG-342 کے ذریعہ جناح انٹرنیشنل ایئرپورٹ سے بنگلہ دیش کیلئے روانہ ہوئی۔ دوسری سارک سنوکر چیمپئن شپ بنگلہ دیش کے شہر ڈھاکہ میں26 نومبر سے یکم دسمبر تک کھیلی جائے گی۔پاکستان کی 3 رکنی سکواڈ میں 2 کھلاڑی احسن رمضان، ابرمسیح اور آفیشل ریفری نوید کپاڈیہ شامل ہیں۔