پروفائل تصویرتبدیل کرکے بلاول دبئی چلے گئے،زرداری کی بھی فوری نجی پرواز سے روانگی،چہ میگوئیاں،کوئی اختلاف نہیں۔پارٹی رہنما

اسلام آباد (نمائندہ خصوصی+ نوائے وقت رپورٹ) بلاول بھٹو کے بعد آصف زرداری بھی دبئی پہنچ گئے ہیں۔ جس کے باعث چیئرمین پی پی پی اور سابق صدر کے درمیان اختلافات کی باتیں ہو رہی ہیں۔ دوسری طرف پیپلز پارٹی کے قائدین نے باپ بیٹے میں اختلافات کی تردید کی ہے۔ ذرائع کے مطابق پیپلز پارٹی کے شریک چیئرمین آصف زرداری اسلام آباد ائرپورٹ سے نجی طیارے کے ذریعے شام ساڑھے سات بجے دبئی روانہ ہوئے جبکہ بلاول زرداری پہلے ہی وہاں موجود ہیں۔ چیئرمین پیپلز پارٹی بلاول بھٹو زرداری نے ایکس پر اپنی پروفائل تصویر بھی تبدیل کر دی ہے۔ تصویر میں بلاول بھٹو زرداری بیٹھے ہوئے ہیں اور سابق وزیراعظم بے نظیر بھٹو شہید ان کے عقب میں کھڑی ہیں اور بے نظیر بھٹو کا ہاتھ بلاول کے کندھے پر ہے۔ درےں اثناءذرائع کا کہنا ہے کہ پی پی پی کے مرکزی سےکرٹری اطلاعات فےصل کنڈی نے اےکس پےغام مےں کہا کہ بلاول بھٹو پہلے سے طے شدہ پروگرام کے تحت دبئی گئے اور بلاول بھٹو اور سابق صدر کے درمےان اختلافات کی افواہےں غلط ہےں۔ چیئرمین پیپلز پارٹی پیر کو وطن واپس پہنچیں گے اور 30 نومبر کو کوئٹہ میں پیپلز پارٹی کے یوم تاسیس کے جلسے سے خطاب کریں گے۔ سپیکر قومی اسمبلی راجہ پرویز اشرف نے نجی ٹی وی کو انٹرویو میں کہا ہے کہ بلاول بھٹو ہمارے وزارت عظمیٰ کے امیدوار ہوں گے۔ باپ بیٹے میں کیا اختلاف ہو سکتا ہے؟۔ بلاول کو وزیراعظم دیکھنا‘ سب سے زیادہ خواہش زرداری کی ہے اور بلاول بھٹو میں اختلافات والی کوئی بات نہیں۔ خوش قسمتی ہے کہ ہمارے پاس نوجوان قیادت ہے۔ پارٹی میں نوجوان‘ متحرک تجربہ کار دونوں طرح کے لوگ ہونے چاہئیں۔ پنجاب میں پیپلز پارٹی کے کمزور ہونے کی وجہ ہماری اپنی غلطیاں ہیں۔ ادھر رہنما پیپلز پارٹی مرتضیٰ وہاب نے نجی ٹی وی سے بات کرتے ہوئے کہا ہے کہ بلاول بھٹو دبئی آصف زرداری کے انٹرویو سے پہلے گئے ہیں۔ یہ بات درست ہے کہ ٹکٹ جاری کرنے کی اتھارٹی آصف زرداری کے پاس ہے۔ پارٹی کے ذمہ دار کارکن کی حیثیت سے تمام قیاس آرائیوں کی تردید کرتا ہوں۔ بلاول بھٹو کا دبئی جانا پہلے سے طے شدہ تھا۔ سابق صدر آصف علی زرداری کے انٹرویو کے بعد چیئرمین پیپلزپارٹی بلاول بھٹو زرداری کا آصف زرداری کو فون آ گیا۔ بلاول نے کہا کہ میں نے جو 70 سال کے بابوں کی بات کی اس میں آپ نہیں تھے۔ آصف زرداری نے کہا میں جانتا ہوں بیٹا لیکن سوالات مشکل تھے مجھے ان کا جواب تو دینا تھا۔ آصف زرداری نے نجی ٹی وی کو بتایا کہ بلاول دبئی گیا ہے میں بھی جا رہا ہوں۔ وہاں صنم بھٹو آ رہی ہیں۔ ہماری فیملی گیدرنگ ہے۔ بلاول پیر کو آ جائے گا۔