فیروزوالہ( نامہ نگار )ڈکیتی ‘راہزنی اور چوری کی10 وارداتیں ڈاکو لوٹ مار کر کے فرار ہو گئے۔شاہ خالد ٹاؤن کے قریب ڈاکو گن پوائنٹ پر عزیز احمد اور شہباز سے پونے دو لاکھ روپے کے رقم اور تین موبائل چھین کر لے گئے۔ ڈاکو زمیندار کے ڈیرے سے ساڑھے 4 لاکھ روپے مالیت کی موٹریں اور بجلی کے تار چوری کر کے فرار ہو گئے۔ مختلف علاقوں سے 5 موٹرسائیکلیں اور 1لوڈر رکشہ چوری کرلیا گیا۔ چور ذوالفقار اور عابد کے کھیتوں سے 3 لاکھ روپے مالیت کی دو موٹریں اوراور دیگر سامان چوری کر کے لے گئے۔ کوٹ عبدالمالک کے قریب ڈاکو عرفان اور اسلم سے ہزاروں روپے کی رقم اور چار موبائل چھین کر لے گئے۔