کھیلتا پنجاب گیمز کے انٹر ڈسٹرکٹ مقابلوں کا آغاز

گوجرانوالہ(نمائندہ خصوصی) محکمہ سپورٹس پنجاب کے زیر اہتمام کھیلتا پنجاب گیمز کے انٹر ڈسٹرکٹ مقابلوں کا آغاز آج سے ہوگا۔ پہلے روز میٹ ریسلنگ، تیکوانڈو اور والی بال کے مقابلے ہوں گے، افتتاحی تقریب کے مہمان خصوصی کمشنر سید نوید حیدر شیرازی، ڈپٹی کمشنر نوید احمد اور ارکان قومی و صوبائی اسمبلی ہوں گے،ایونٹ کی افتتاحی تقریب کا آغاز شہباز شریف سپورٹس جمنزیم گوجرانوالہ میں ہوگی، جس کے مہمان خصوصی کمشنر نوید حیدر شیرازی، ڈپٹی کمشنر نوید احمد، اور ارکان قومی و صوبائی اسمبلی ہوں گے۔ اس سلسلہ میں ڈویژنل سپورٹس آفیسر فیصل امیر خان کا کہنا تھا کہ ایونٹ کی رنگا رنگ افتتاحی تقریب کی تمام تیاریاں مکمل کرلی گئی ہیں۔