ننکانہ صاحب(نامہ نگار)ننکانہ صاحب و گردونواح میں چوری و ڈکیتی کی وارداتوں کے دوران شہری لاکھوں روپے مالیت کے مال وزر سے محروم ہوگئے۔ تھانہ صدر ننکانہ صاحب کے علاقہ موٹر وے ایم تھری کے قریب چارڈاکوئوں نے کارسوار اور ا س کے دو ساتھیوں سے12ہزار روپے،2موبائل فون،چیک اور دیگر کاغذات چھین لئے،گائوںبھاگو والی کے رہائشی علی حسنین کی5 لاکھ روپے مالیت کی دو موٹریں،ڈھاڑی بھٹیاں کی رہائشی رانی بی بی کے گھر سے50ہزار روپے اورموٹر سائیکل چوری،تھانہ صدرسانگلہ ہل کے علاقہ شاہکوٹ روڈپرجان قادرسیم کے قریب چارڈاکوؤں نے ناکہ لگاکرکارروک کر چک نمبر 7تحصیل صفدر آبادکے رہائشی محمد سلامت کمبوہ سے دو لاکھ روپے مالیت کے ایک تولہ طلائی زیورات 50ہزار روپے کی نقدی، 3موبائل فونزاور ایک گھڑی اور 2لاکھ86 ہزار روپے مالیت کے ایک تولہ طلائی زیورات چھین لئے۔ کوٹلی چہور کے رہائشی موٹر سائیکل سوارمحمد عثمان سے 8ہزار روپے چھین لئے گئے۔